其實一開始，我都係抱住試吓嘅心態。
之前都試過唔同方法識人，但總係差啲，就覺得，不如再試多一次。我自己就諗得好簡單——點都要試吓，唔試就唔會有機會。我哋係喺一個土耳其興趣班度見面。嗰晚其實幾自然，上完堂就一齊食飯，之後仲去睇咗場戲。冇乜刻意安排，亦唔覺得有壓力，反而幾舒服。
之後再約多幾次，見多2、3次，好自然就一齊咗。一路發展落去，其實都冇話好戲劇性。但就係覺得，呢個人可以一齊行落去。而家諗返轉頭，其實都幾快。結婚、裝修、生仔，2年內完成晒。做嘢有時都辛苦，但返到屋企，見到老婆同個仔，就會覺得一切都值得。
我仲留住當時整嘅嗰盞土耳其燈。對我嚟講，唔只係一件作品，而係一個開始。如果唔係當初試咗呢一步，其實都唔會遇到對方，更加唔會有而家呢個家庭。
