其實我哋報名，都係因為生活圈子太窄。
平時工作環境都冇乜異性，又唔太想用交友App，就諗住試下另一種方法。見到Crush已經做咗一段時間，又有Studio，感覺都信得過，起碼唔會亂嚟，所以就報咗名。
我哋係喺興趣班入面見面。我見呢種形式幾得意，唔會好似傳統約會咁尷尬，反而自然啲。
老實講，第一印象其實唔算特別好。但之後見到佢好有心機寫心意卡，再傾落去，發現大家三觀都幾夾，就覺得可以再了解下。
我第一次見佢，佢講咗句好搞笑嘅說話。
佢話：「我好小氣架。」
之後先知佢係天蠍座。相處落去，會慢慢發現對方多啲唔同嘅一面。佢其實係一個好貼心嘅人，有好多細位都令我幾感動。而佢就話，我成日都會哄佢笑。身邊啲人都話，佢拍拖之後個樣甜咗，成個人開心咗好多。
見多幾次之後，好自然就一齊咗。冇話好戲劇性，但係舒服，亦都好穩定。我哋都有send過合照俾親朋好友，佢哋都話我哋幾有夫妻相。
之後我仲推薦咗朋友參加。因為我身邊好多朋友都比較內向，呢種透過活動認識嘅方式，會舒服同自然好多。而家再諗返，其實都係因為當初願意試多一步，先會遇到對方。
