走出 Friendzone 攻略
「好人卡」呢樣嘢，好多男仔都中過招。傾偈傾得幾好，最後都係冇下文…… 其實 Friendzone 唔係終點，只要捉緊以下四個方向,你絕對有機會打破對方對你嘅既定印象。
1) 要搵機會約對方出嚟
文字傾得幾好都好，永遠取代唔到真實接觸。男友力呢樣嘢，係要見面先發揮得出嚟！你嘅體貼、你嘅照顧、你面對面相處時嘅狀態，通通都唔可以喺 Chatbox 入面展示到。如果你哋一直只靠傾偈維繫關係，對方對你嘅印象就會永遠停留喺「傾計嘅朋友」呢個層面。
2) 要俾 Signal
唔係叫你即刻表白，而係要令對方感受到你對佢係特別啲。
例如可以簡單一句「見係你咋」。呢句說話嘅重點，係令對方知道你唔係對個個都係咁好、咁有耐性。當佢意識到呢一點，就會開始重新定位你喺佢心目中嘅位置！由普通朋友慢慢轉做可以發展嘅對象。
3) 製造視覺衝擊
好多男仔只顧住喺傾計上面落足心機，但完全忽略咗外表呢一環。其實第一印象同視覺衝擊，任何時間都可以令人覺得耳目一新。如果你哋已經識咗一排，不妨喺下次見面刻意執靚少少自己。髮型、衣著、整體狀態。對方一見到你嘅改變，先會有「咦，原來佢都幾型」嘅念頭，呢種視覺上嘅落差感，往往比起傾多幾百句說話更加有效。
4) 製造淨係屬於你哋嘅話題
你哋傾計傾過咁多,但有冇一啲嘢，係只有你哋兩個先明白？
一個 Inside Joke、一個共同經歷、一件淨係你記得嘅小事…… 呢種獨特感，正正係將你同「普通朋友」區分開嚟嘅關鍵。當你哋之間有咗呢種只屬於你哋嘅默契，對方就會慢慢意識到，你哋之間嘅關係，已經唔再係佢同其他朋友、可以隨便取代嘅關係。
總結
齋傾偈唔會幫到你，行動先會。約對方出嚟、釋放清晰嘅 Signal、適時提升自己嘅視覺吸引力、再建立屬於你哋獨有嘅連結。呢四步，就係你由朋友走向有可能性嘅關鍵。
-
如果你想認真識對象，
立即報名 Crush 嘅配對活動，
等我 Josephine 介紹好對象俾你！
